Мамела млади девојки да живеат со неа, па ги принудувала на проституција: Која е „најопасната жена на Инстаграм“?

И покрај тоа што била преплавена со работа, Ана не добивала пари од Кет и сфатила дека е третирана како роб.

Исплашена и сама, ѝ биле потребни три години пред да си замине од кај инфлуенсерката.

Потоа, во 2022 година, Кет се преселила во Тексас. Овој период, успеала да убеди неколку девојки да се вселат во нејзината куќа за да ѝ бидат асистентки и помошнички.

Една од овие девојки – Десире – исто така зборува во новиот документарец.

Таа вели дека Кет ги терала да се молат заедно и да изведуваат ритуали, а по некое време ја натерала Десире да почне да работи во стриптиз клуб.

Инфлуенсерката терала и други девојки да работа во стриптиз клубови и им ги земала парите, а потоа почнала да ги тера и да спијат со мажи за пари.

За да ги контролира, Кет им се заканувала дека ќе ги пријави за проституција, па ги држела како заложници.

Целосно ги изолирала од нивните семејства и ја злоупотребила нивната ранлива положба за да ги манипулира.

На оние кои дошле од странство им ги земала и патните исправи, па немале како да се вратат дома

Во меѓувреме, семејствата на дел од девојките биле загрижени бидејќи прекинале секаков контакт со нив, па почнале онлајн кампањи со надеж дека ќе ги лоцираат.

Кога Кет ги забележала кампањите, ги натерала исчезнатите девојки да снимаат видеа во кои апелираат од семејствата да не ги бараат.

Бидејќи сето ова се случувало онлајн, првата жртва на Кет, Ана, сфатила дека нешто не е во ред па решила веднаш да пријави во полиција за своето искуство.

По ова започнала меѓународна истрага во која се вклучиле и агенти од ФБИ.

Истрагата покажала дека исчезнатите жени отседнуваат во Тексас со Кет, каде што се експлоатирани и принудувани на проституција.

Кет била уапсена во 2022 година, по што била депортирана во Бразил. Во 2024 година доби 8-годишна затворска казна, иако до денес тврди дека е невина.

Спирова С. | Црнобело