Трагични мистерии од Холивуд кои со години никој не може да ги реши

Џони Стомпанато

Џони Стомпанато не бил холивудска ѕвезда, туку гангстер, но бил во врска со Лана Тарнер – една од најпознатите актерки од „златната ера“ на Холивуд. Нивната врска била насилна, односно Лана честопати била жртва.

Во 1958 година, Џони бил прободен со нож во домот на Лана.

Кога дошла полиција, 14-годишната ќерка на Лана изјавила дека таа го убила, во обид да ја заштити мајка си.

Но, на ножот немало отпечатоци од прсти и надлежните верувале дека Лана била убиецот или бидејќи се скарале, или бидејќи сакала да стави крај на насилната врска. Ќерка ѝ, пак, ја презела вината бидејќи како малолетна девојка, ќе добие помала казна.

Сепак, бидејќи немало доволно докази, на крајот надлежните заклучиле дека девојчето делувало во самоодбрана, иако до денес е мистерија што точно се случило.

Рони Чејсен

Рони беше познат публицист со долга кариера во Холивуд која помогна многу филмови да добијат Оскар.

Во 2010 година, додека се враќала дома во својот автомобил, била застрелана неколкупати и починала на самото место.

Најпрво полицијата претпоставувала дека станува збор за обид за грабеж, но нејзината чанта не била одземена.

Главниот осомничен бил маж по име Харолд Мартин, но кога полицијата скала да го пребара неговиот дом, тој извршил самоубиство.

Харолд бил осомничен бидејќи наводно самиот се пофалил дека добил 10.000 долари да ја убие Рони. Потоа си го одзел животот со истиот пиштол со којшто била убиена Рони.

Но освен истиот пиштол, немало доволно физички докази дека тој е убиецот, а со својата смрт, остави прашања кои до денес се неодговорени.

Погледнете и: Убиства, исчезнувања: Морничави нерешени мистерии поврзани со славни личности

Спирова С. | Црнобело