Луѓе кои преживеале смртоносни авионски несреќи – 12-годишно девојче чекало 8 часа среде океан за да го спасат

Бахиа Бакари

Бахиа Бакари имала само 12 години кога во 2008-ма преживеала страшна авионска несреќа.

Авионот се срушил во Индискиот Океан, при што загинале сите 152 патници и членови на екипажот, освен Бахиа.

Малото девојче едвај знаело да плива и немало безбедносен елек, па се држело за остатоците од срушениот авион во океанот.

Во оваа положба, главно во „црна темница“ бидејќи било ноќ, Бахиа чекала повеќе од девет часа за да биде пронајдена од спасувачките екипи.

Бахиа патувала со мајка ѝ, која не ја преживеала несреќата, а откако била спасена, била пренесена во болница во Париз.

Од несреќата имала скршеници на карличната и клучната коска, изгореници на колената, како и помали повреди на лицето.

За своето исксутво има издадено книга, а наводно го одбила Стивен Спилберг кој сакал да ја претвори приказната во филм.

Сесилија Чихан

Во 1987 година, кратко по полетувањето од аеродромот Detroit Мetropolitan во Детроит, се срушил авион во кој имало 157 лица.

Тој период, ова била втората најсмртоносна авионска несреќа во САД, а ја преживеала само Сесилија Чихан која тогаш имала четири години.

Сесилија била со своето семејството – родителите и шестгодишниот брат – и никој од нив не преживеал. Девојчето било најдено понастрана од авионот, во своето седиште.

Сесилија имала сериозно повреди – изгореници и скршеници на черепот, клучната коска и левата нога.

Девојчето добро закрепнало и бидејќи останало сираче, живеело со нејзините тетка и чичко.

Иако сите го знаеја нејзиното име, првпат прозборе за трагедијата дури во 2011-та, односно цели 24 години подоцна.

Прочитајте и: Луѓе кои преживеале фатални авионски несреќи – Американец двапати ѝ „избегал“ на смртта

Спирова С. | Црнобело