9 бонтон правила кои ги кршите дури и без да знаете, низ илустрации

Не ги потпишувате пораките

Дали некогаш ви се случило да добиете порака, а да не знаете од кого е?

Културно е да ја потпишете пораката што ја праќате на некој со кого не се познавате или со кого не комуницирате често.

Тоа што вие го имате нивниот телефонски број, не значи дека тие го имаат вашиот.

Сакате да го привлечете вниманието на келнерот

Келнерот не е ваш слуга, па не треба да го третирате како таков.

Не мавтајте, не свиркајте и не викајте гласно за да му го привлечете вниманието.

Негова работа е да ги послужи сите гости и ќе дојде колку што може најбрзо и кај вас - само треба да имате малку трпение (особено ако е сам во цело кафуле или ресторан).

Не помагате да се расчисти масата по оброкот

Кога некој ќе ве викне на ручек или вечера, културно е да му помогнете да ја расчисти масата или да ги измие садовите по јадењето.

По бонтон е да понудите помош, а домаќинот е тој што ќе ја прифати или одбие.

Претпоставувате дека некој друг ќе плати

Нормално е да излезете со пријатели, колеги, роднини. Но, погрешно е да претпоставите дека тој што ве поканил, ќе плати за ручекот, вечерата или кафето.

Дури и ако сте на љубовен состанок не смеете да очекувате дека мажот ќе ја плати сметката, зашто тоа не е правило.

Избегнувате контакт со очи

Дали кога разговарате со луѓето, погледот почнува да ви „бега“? Па наместо да гледате во соговорникот, гледате на страна.

Ова е некултурно, зашто делува како да не им обрнувате, дури и да сте фокусирани на разговорот и слушате внимателно.

Затоа - гледајте го соговорникот во очи.

А. Ј. | Црнобело