Заборавената хероина од Титаник: Се вратила на бродот за да спасува луѓе, собирала пари за сиромашните патници

Кога богаташката Маргарет Браун сфатила дека во чамецот за спасување има уште место, го натерала капетанот да се вратат на бродот. Потоа, собрала над 10.000 долари за сиромашните патници, а поради филантропската работа, постхумно ѝ бил доделен и медал.

Тонењето на Титаник важи за една од поголемите трагедии од поново време, а благодарение на филмот Titanic од 1997-ма, нема кој не ја слушнал приказната.

Но, додека главните ликови во филмот – Џек и Роуз – се измислени, некои од нив сепак се инспирирани од вистински личности.

Една од нив е Маргарет Браун, богата патничка на бродот која не само што помогнала во спасувањето додека Титаник тонел, туку почнала и кампања за да собере пари за сиромашните патници кои изгубиле сè.

Во филмот на Стивен Спилберг, нејзиниот лик го глуми оскаровката Кети Бејтс, но, секако, некои детали се малку поразлични во реалноста.

Иако останала запомнета како богаташка, но и филантроп, почетоците на Маргарет биле скромни, а можеби и оттаму потекнувала нејзината желба да им помага на другите.

Која била Маргарет Браун?

Маргарет била родена во 1867 година. Нејзините родители биле доселеници од Ирска кои пристигнале во САД во 1880-тите, откако почнал периодот на индустријализацијата.

Родителите ја натерале да оди на училиште, но до 13-годишна возраст го напуштила бидејќи морала да работи.

Кога со брат ѝ се преселила во Колорадо, Маргарет нашла работа во продавница, а станала и дел од локалната христијанска заедница.

И, овде се почетоците на нејзината добротворна работа.

Преку заедницата, Маргарет им помагала на сиромашните, но и доселениците (како неа) делејќи им оброци и организирајќи донации.

Набрзо потоа, го запознала Џејмс Џозеф Браун, рударски инженер со кого веднаш се зближила, почнала врска и во 1886-та се венчала.

Тие добиле две деца и иако имале хармоничен брак, се соочиле со финансиска криза.

Но, во текот на неколку експедиции и истражувања во склопот на неговата работа, Џејмс нашол голема количина злато, па со Маргарет преку ноќ станале милионери.

Почнале да купуваат недвижнини и да патуваат низ светот, но Маргарет, иако уживала во раскошот, сепак сакала да им помогне на помалку среќните.

Па, постепено, Маргарет станала филантроп и веќе била препознатлива во своето опкружување.

Во 1912 година, Маргарет била во Париз, на гости кај ќерка ѝ, кога дознала дека нејзиниот внук, кој бил во САД, е болен.

Па, купила билет за првиот брод кој одел кон САД – Титаник.

Продолжува на следната страница...