Временска прогноза во филџан кафе

Доколку сакате да знаете какво време ве очекува во текот на денот, а при тоа да не ја погледнете временската прогноза, можете да погледнете во филџан кафе.

За разлика од техниката која ја користат оние што ја „претскажуваат иднината“ гледајќи во филџан кафе, анализата овде го следи движењето на меурчињата на површината од кафето.

Почнете да го турате кафето во филџанот и додајте по желба, млеко и/или шеќер за да добиете што повеќе меурчиња и со тоа си го олесните набљудувањето.

Ако меурчињата бргу се „разбегаат“ кон рабовите на филџанот, тоа е добар знак. Ќе имате убаво време во наредните 12 часа. Доколку пак се задржат подолго на средината од филџанот, треба да сметате на краткотрајни врнежи.

Кога меурчињата се групираат на средината, подгответе си чадор бидејќи тоа е знак кој најавува дожд.

Оваа „метеоролошка прогноза“ често ја користат планинарите. Доколку немате или пак не пиете кафе истата постапка можете да ја изведете со било кој друг топол напиток, чај или какао.