Ја избодела мајка ѝ 79 пати, имала шизофренија: Морничавиот случај на Изабела Гузман

Во 2013-та, тогаш 18-годишната Изабела Гузман од САД ја избодела мајка си 79 пати. Случајот брзо се прослави поради ладнокрвноста на девојката за време на судењето, а потоа се дозна дека имала шизофренија, поради што денес е затворена во институција.

Случајот со Изабела Гузман, девојка која ја убила мајка си, привлече многу внимание пред десетина години најмногу поради суровоста на убиството, но и ладнокрвното однесување на Изабела за време на судењето.

Во 2013-та, тогаш 18-годишната Изабела ја избодела мајка си дури 79 пати, а подоцна било утврдено дека имала шизофренија.

Што знаеме за грозоморниот случај и каде е Изабела денес?

Иако дел од оние кои ја познавале ја опишувале како мирна и повлечена девојка, Изабела Гузман имала проблеми со однесувањето уште од најрана возраст.

Нејзините родители биле разведени, а кога Изабела имала седум години, мајка ѝ ја испратила да живее со нејзиниот татко.

Наводно, причината за ова било проблематичното однесување на девојчето.

По некое време, Изабела сепак се вратил во домот на мајка ѝ Јун Ми Хој, но нејзините проблеми продолжиле.

Во тинејџерските години, состојбата на Изабела се влошувала, па таа и се отпишала од средно.

Кога веќе наполнила 18 години, односот на Изабела и мајка ѝ бил значително влошен. Според нејзиниот очув, односно сопругот на Јун Ми Хој, Изабела станувала поагресивна, ѝ се заканувала на мајка си и двете честопати се расправале.

По караница на 27-ми август 2013 година, Изабела ѝ пратила мејл на мајка си, во кој ѝ рекла дека ќе платела за сè.

Исплашена, мајка ѝ повикала полиција, а полицајците поразговарале со девојката.

Мајка ѝ Јун Ми Хо се јавила и на таткото на Изабела и го замолила да поразговара со неа.

„Седнавме во дворот, ги гледавме дрвјата и животните и почнав да ѝ зборувам дека луѓето треба да си ги почитуваат родителите. Мислев дека имаше некој прогрес“, изјави татко ѝ по трагедијата.

Но, веќе следниот ден, Изабела ја убила мајка си.

На 28-ми август, Јун Ми Хој си дошла од работа околу 21 часот и отишла да се тушира. Нејзиниот сопруг бил на долниот кат од куќата, кога почнал да слуша викање.

Истрчал до бањата на вториот кат, и само ја видел Изабела како силно ја затвора вратата.

Пробал да влезе, но Изабела не му дозволувала, а кога видел дека на подот има крв, веднаш се јавил во полиција.

Кога завршил со повикот, ја видел Изабел како излегува од бањата со крвав нож, а внатре била Јун Ми Хој со многу убодни рани.

Пробувал да ја спаси, но таа веќе починала. Подоцна било утврдено дека Јун Ми Хој имала 79 убодни рани, вклучително и на главата и вратот.

Изабела веќе избегала од дома кога пристигнала полицијата, по што почнала огромна потрага.

Ја нашле следниот ден на паркинг во близина на нејзиниот дом во крвава облека и веднаш ја уапсиле.

На 5-ти септември 2013 година почнало судењето на Изабела, а според CNN, полицајците морале насилно да ја однесат во судницата.

Од судењето, пак, беа објавени бизарни снимки на кои Изабела прави гримаси и им се смешка на камерите од медиумите.

Изабела не признала вина, бранејќи се дека има сериозни проблеми со менталното здравје. Нејзиното тврдење го потврдил лекар според кој таа страдала од шизофренија и со години имала халуцинации.

Наводно, Изабела не ни била свесна дека ја убива мајка си.

Доказите дека Изабела има шизофренија биле цврсти, па на крај била испратена во ментална институција.

Во 2020 година, Изабела поднела молба за ослободување, тврдејќи дека нејзината болест е под контрола и дека веќе не претставува опасност.

„Јас не бев јас кога го сторив тоа и оттогаш здравјето ми е подобро. Веќе немам проблеми со менталното здравје. Не сум опасност за себе или за другите“, изјази Изабела.

Таа исто така тврдеше и дека била малтретирана од родителите.

Во 2021 година, на Изабела ѝ беше дозволено да ја напушта институцијата за да оди на терапија, но секојпат треба да носи уред кој ѝ ја следи локацијата.

Според последните информации, Изабела уште престојува во институцијата.

Спирова С. | Црнобело