Убил над 20 луѓе, додека бил информант под заштита: Детали за случајот кој е „најголем срам“ за ФБИ

Во неколкуте години додека се претставувал како информант на ФБИ, Скот убил четири лица. Но, самиот тврдел дека убил 21 личност, додека на своите адвокати им кажал дека убил помеѓу 45 и 50 лица.

Па, точниот број на жртви не е познат.

Надлежните го знаат идентитетот на само четири жртви – девојката на Стив Енис, друга стриптизета која ја убил кратко откако излегол од затвор, ќерката на негова партнерка, како и неговиот чичко.

За секое убиство, Скот им давал информации на ФБИ, но сосема доволно за да го тргне сомнежот од себе.

Скот бил одличен манипулатор, а ги знаел и „дупките“ во системот, па сето ова го користел за да ја стекне довербата на агентите.

Бидејќи и тие работеле со ограничени ресурси, а Скот бил личност која тврдела дека има конекции со криминалниот свет, многупати се потпирале на неговите сведоштва.

Но, семејствата на жртвите, незадоволни од недостатокот на правда, почнале да создаваат притисок ФБИ да почне истрага и за нивниот информант.

Според поранешен агент на ФБИ, во канцелариите дошле татковците на две девојки убиени од Скот кои биле сигурни дека тој е убиецот.

Во март 2006-та, Скот бил уапсен за друга измама неповрзана со убиствата.

Додека бил во затвор, од ФБИ почнале истрага и конечно нашол доволно докази дека тој е одговорен за четири убиства.

Сепак, Скот не престанал со обидите да ги манипулира агентите. Телата на некои од жртвите не биле најдени, па тој ги уценувал и не им кажувал каде се.

Телото на Џенифер Маркум девојката на неговиот цимер од затвор, до денес не е пронајдено.

На крај, во 2009-та, добил 70-годишна казна затвор за убиствата.

Но, без разлика што бил фатен, целиот случај останал како еден од најсрамните пропусти на ФБИ.

Спирова С. | Црнобело