„Живеам во најстудениот град во светот – училиштата работат и на -50˚C, храната е 3 пати поскапа“

Јакутск важи за најстудениот поголем град во светот и овде просечната температура во зима е пониска од -20 степени Целзиусови. Корисник на Редит кој живее во рускиот град го споделува своето искуство.

Јакутск е град во Русија, лоциран на околу 450 километри јужно од Арктичкиот круг.

Овде живеат околу 200.000 луѓе, а бидејќи во зима просечната температура е пониска од -20 степени Целзиусови, Јакутск важи за најстудениот поголем град во светот.

Односно, во областа има некои помали гратчиња со пониска температура, но тие се далеку помалку населени.

Најниската температура измерена во градот е -64,4 степени Целзиусови.

Корисник на Редит кој живее во Јакутск одговара на прашањата од другите корисници.

Најзабавните одговори во продолжение:

Има ли некакви придобивки од животот на такво место?

Сигурен сум дека никој не би живеел овде ако студот е толку големо зло. Повеќето луѓе си ја сакаат родната земја.

Имам забележано дека луѓето стануваат подобри во зима и вистинско задоволство е да влезете во топла просторија откако ќе поминете извесен период на студот.

Дали студот има влијание врз образованието? Како одите на училиште?

Децата до петто одделение не одат на училиште кога температурата е пониска од -48 степени Целзиусови. Средношколците не одат кога е постудено од -52 степени Целзиусови.

Според мене, студот нема некое влијание врз образованието. На училиште се оди со јавен превоз.

Најголемиот факултет во градот е North Eastern Federal University – таму учев и јас.

Продолжува на следната страница...