Одземена титула, прогласување погрешна победничка: Најголемите контроверзии на Мис Универзум

Мис Порторико ја изгуби круната во 2016-та

Во 2016 година, Кристиел Карид беше избрана како претставничка на Порторико, но набрзо потоа ја изгуби титулата.

Имено, убавицата сама откажувала настани и интервјуа и одбивала да се фотографира бидејќи „мразела фотоапарати“.

Убавицата ги тужеше организаторите со тврдење дека тој период минувала низ тежок период и им бараше оштета од околу три милиони долари.

Но, сепак, судот одлучи дека таа го прекршила нејзиниот договор, па не доби ништо.

И мисица од Перу ја има изгубено титулата

Во 2019 година, Ануела Градос која ја претставуваше Перу, доби забрана да учествува на Мис Универзум.

Причината е видео на кое девојката е толку пијана, што дури повраќа.

Наводно, видеото било споделено онлајн по грешка, додека мисицата тврдеше дека таа е жртва бидејќи нејзината репутација била уништена.

Но, ова не ѝ помогна да си ја врати титулата.

Мис Боливија ја изгуби титулата поради навреди кон другите мисици

Во 2022 година, само два месеца пред да се одржи Мис Универзум, Марија Фернанда, која требаше да ја претставува Боливија, ја загуби титулата.

Во видео што го објави на Инстаграм Стори, таа ги коментираше другите натпреварувачки, но и ги навредуваше.

Изјави дека мисиците од Парагвај, Бразил и Ел Салвадор изгледале како „стари жени“, додека за мисиците од Венецуела и Перу рече дека личеле на „транссексуалци“.

Таа се соочи со остри критики и иако пробуваше да се извини, беше отстранета од натпреварот.

Неколку мисици напуштија настан во знак на солидарност

И годинашното издание на Мис Универзум си има скандал.

На настан во склоп на натпреварот, Мис Данска, која победи лани, ја напушти просторијата откако еден од организаторите ја навреди мисицата од Мексико.

На настан во хотел во Тајланд, потпретседателот на организацијата што го води натпреварот ѝ се обрати на мисицата од Мексико.

Наводно, таа не присуствувала на фотосесија со спонзор, па почна да ја напаѓа и им рече на останатите девојки дека мораат да промовираат сè што ќе им се нареди.

Мисицата сакаше да објасни што се случило, но организаторот ја нарече „глупава“ и нареди да биде изнесена од просторијата.

Но, како што излегуваше, стана ланската победничка, а потоа и уште неколку други претставнички.

Потпретседателот дури им се закануваше на мисиците дека ќе ги дисквалификува, но тие не го послушаа.

„Овде во прашање се женските права. Жал ми е, мора да направиме нешто поголемо. Имаме почит за сите, но не треба вака да се справувате со работите.

Големо непочитување е да се навреди друга девојка. Затоа си заминав“, изјави ланската победничка за инцидентот.

Спирова С. | Црнобело