„Се разбудив за време на операција – немаше болка, но ги чувствував рацете на хирургот во стомакот“

Претходно на Барбара ѝ биле направен низа операции и дотогаш немала ниту еден проблем со анестезијата.

Поради ова, била уверена дека и оваа операција ќе помине без проблеми.

Сега, пак, ја споделува својата приказна не за да ги исплаши луѓето, туку за да ја зголеми свесноста за оваа појава и потребата од поддршка на пациентите по ваков случај.

„Лекарите треба да бидат свесни дека нивните пациенти може да се разбудат, да признаат кога ќе се случи тоа, а потоа да им ја дадат потребната поддршка“.

Според Daily Mail, дури 74% од пациентите се плашат дека ќе се разбудат среде процедурата.

Но, универзитетскиот професор и анестезиолог Џонатан Хардман вели дека дури и кога ќе се случи ова, реткост е пациентот да почувствува болка, а може да биде само делумно свесен.

Тој вели и дека ова настанува како резултат на клиничка грешка, а соодветната доза на анестезијата зависи од многу фактори како возраст и тежина.

„Наједноставно кажано, на помладите пациенти им треба повисока доза, а на постарите пониска.

На потешките пациенти им треба поголема доза и од други лекови бидејќи обично се пресметува според килограмите.

Дозата може да се модифицира и според други фактори“.

Тој вели дека анестезиолозите постојано го набљудуваат пациентот и ефектот на анестезијата за време на операцијата, па веднаш можат да прават корекции доколку има потреба.

Ова значи дека дури и пациентот да почне да се буди, веднаш реагираат.

„Ги набљудуваме пулсот, крвниот притисок, дишењето – промените во овие параметри може да покажат ако има можност пациентот да стане свесен.

Кога се набљудува сето ова, можноста пациентот да се разбуди драстично се намалува“.

Спирова С. | Црнобело