4 најочекувани серии оваа есен

Покрај големиот број на филмови кои со нетрпение ги очекуваме оваа есен, тука се и сериите кои првата епизода ќе може да ја видиме за само неколку дена.

Мистерии, драма или пак романтично дејствие – ваше е да одберете. Ви ги претставуваме четирите најочекувани тв серии за оваа есен.

1. 666 Park Avenue

Се’ се врти околу застрашувачката адреса – 666 Парк Авенија, нешто на што едноставно не може да му се одолее. Мистериозниот сопственик на оваа зграда покрај договорот за купување на станот, доаѓа со едно мало изненадување кое станарите ќе бидат присилени да го откријат.

2. Mistresses

Провокативна и возбудлива драма околу скандалозниот живот на четири секси девојки. Секое нивно турбулентно патување и доживување на нештата ги носи чекор понапред кон самооткривањето.

3. ZERO HOUR

Издавач на паранормално списание, кој својот живот го минува во откривање на тајни и разрешување на голем број мистерии. Но, откако неговата жена ќе биде киднапирана од нејзината продавница за антички часовници, тој е вовлечен во една од најинтересните мистерии на човештвото кое се протега години наназад.

4. Beauty and the Beast

Кетрин Чендлер е детектив која неколку години порано ја губи мајка си при напад од две вооружени лица. Кетрин ја спасува некој или нешто. Нејзината главна задача е токму тоа – да го објасни тоа нешто кое што ја спаси од сигурна смрт.