Неверојатно вкусен мус од чоколадо и вода

Слатко, пенесто задоволство со кое можете да ги изненадите вашите најблиски во било кој дел од денот. Одличен избор за десерт доколку сакате да го прославите Денот на вљубените во мирна, домашна атмосфера или пак едноставно да го изненадите саканиот по утринското кафе.

Потребни состојки:

• ¾ шолја вода
• 250 гр темна високо квалитетна чоколада

Подготовка:

Ставете го чоколадото во сад да се топи, искршено на парчиња, но овој пат заедно со водата.

Кога ќе се стопи целосно и ќе изгледа вака, како еднолична смеса тргнете го садот од оган.

Следно, наполнете еден голем сад со лед пресипете го топено чоколадо во друг алуминиумски сад кој ќе го ставите во првиот.

Мешајте со жица додека смесата не згусне.

Престанете со мешањето кога чоколадната смеса ќе започне да се одвојува од жицата и ќе изгледа густо.

Потоа пресипете ја смесата во чашки и декорирајте по желба.

На крај вашиот мус ќе изгледа вака. Кој би му одолеал?