Ликови од сериите со кои би сакале да се дружиме

Кога ги гледате омилените серии колку пати сте посакале и вашиот живот да изгледа како таму?

Колку пати сте посакале да имате кафуле и тросед каде ќе се собирате со пријателите како во Friends? Или алишта како во Gossip Girl?

Кои се ликовите кои најмногу би посакале да бидат дел од вашето реално секојдневие:

1. Барни Стинсон од How I met Your Mother. Замислете го Барни да биде дел од вашиот живот. Тој можеби не е верен на девојките, но верен е на пријателите. Секогаш знае да ги сослуша и расположи. Самоуверен е и духовит, емотивен и многу забавен.

2. Џек Мек Фарланд од Вил и Грејс. Омилениот феминизиран лик, геј младич, комуникативен и забавен и кралица на драмите. Духовит и шармантен, секогаш подготвен да направи се за своите најмили.

3. Шелдон Купер од The Big Bang Theory. На прв поглед изгледа како никој да не би го посакал за пријател. Но, тој има и свои квалитети. Ги излудува своите пријатели кои токму заради тоа и го обожаваат. Нему можеби нема да му ги откривате своите тајни, но дефинитивно е лик кој би требало да го имате во своето окружување.

4. Џои Трибијани од Friends. Најшармантниот и најдрагиот лик во серијата. Неговите изјави ќе ве насмеат до солзи затоа што е бескрајно духовит и интересен.

Кој е вашиот фаворит и дали би додале некој во листата?