Оригами куќа – го менува обликот според временските услови

Постојат куќи за студени клими, кои се проектирани за да ја задржат топлината, а постојат и куќи за тропски предели чија архитектура дозволува циркулација на воздухот.

Но, се до сега не биле комбинирани тие два типа на куќи. Ова е неверојатна куќа способна за метаморфоза во осум различни конфигурации за да се прилагоди на сезонските, метеоролошките и астрономските услови.

Во лето спалните соби се свртени кон исток, што овозможува домаќините да се будат со првите зраци на сонцето.

Револуционерната куќа е базирана на работата на англиски математичар од почетокот на 20 век кој го открил начинот како квадратите да се поделат на четири дела и да се прегрупираат во рамностран триаголник.

Флексибилноста на куќата овозможува адаптација од зима во лето, од ден во ноќ, а куќата буквално, внатрешно се преуредува.

Дебелите надворешни ѕидови се претвораат во внатрешни, а стаклените сводови стануваат фасада, вратата може да стане прозорец. Куќата се состои од две спални соби, дневна соба од отворен тип и бања.