Пар кој ја живее приказната од “Notebook”

Веруваме дека сте запознаени со текот на приказната во овој романтичен филм. Како двајца млади кои се во љубов завршуваат заедно и по децении.

Но, како што староста доаѓа, така сеќавањето на девојката се губи па затоа Ноа со задоволство го буди нејзиното сеќавање за неверојатната љубов која ја доживуваат.

Но, овој тек на случувања е веќе виден во два реални животи.

На 4ти октомври во 1941 година, Џек Потер во својот дневник запишал дека танцувал со најпрекрасната девојка која некогаш ја запознал и дека навистина би сакал повторно да ја сретне.

Тој изјавил: „Таа беше неверојатна партнерка за танцување. И сè уште мислам дека е прекрасна жена. Ова дефинитивно беше љубов на прв поглед, сè во нашите животи доби смисла откако сме заедно. Беше чудесно!“

16 месеци подоцна тие двајца се венчаа и уживаат во заедничкиот живот од тогаш.

Во изминативе 70 години Џек чувал дневник во кој се запишани сите нивни приказни и љубовни шеги.

Од неодамна, на Филис и е дијагностицирана деменција. Исто како и во приказната со Али и Ноа, Џек секојдневно и го чита дневникот на својата сопруга во домот во кој таа живее.

Џек раскажува: „Често пати го земам дневникот каде што е запишано сè и неколку заеднички слики. Таа ужива во тоа! Кога и да се завртам накај неа, таа ги истегнува рацете и постојано ме прегрнува, толку многу е приврзана и покрај нејзината здравствена состојба. “

Тој продолжува: „Филис не може да се искаже баш најдобро и често пати кога и раскажувам и читам не одговара, туку само ужива, а јас продолжувам со приказните.“

Тие скоро ја прославија својата 70 годишнина од свадбата.

Нивното животно мото е „Што треба да биде, ќе биде. Ако треба да се случи, ќе се случи, ние само треба да се надеваме.“