Чудесна куќа инспирирана од паричката за среќа

Според кинеските верувања, небото и земјата создаваат совршена хармонија, па затоа не треба да ве чуди како оваа необична куќа одлично се совпаѓа со околината.

Необичната куќа која на прв поглед делува по малку ладно е инспирирана од кинеската паричка за среќа и благосостојба. Речиси сè во оваа куќа асоцира на луксуз и материјални добра.

Надворешната кружна стаза е одличен пат по кој ќе стигнете до гаражата, која на врвот има тераса од каде можете да уживате во прекрасниот поглед на природата.

Ентериерот е преполн со современи детали, сувенири и модерен мебел, но сите ситници одлично се одбрани со голема внимателност за да се вклопуваат со приказната на која се темели овој дом - кинеската паричка.