Бизарен данок - Данок на хамбургер

Парламентот во Унгарија конечно го изгласа т.н. „данок на хамбургер“ кој веќе почна да се применува за сите пијалоци и храна со високи вредности на шеќер, сол и кофеин. Парламентот во кој дво – тртинското мнозинство припаѓа на конзервативниот премиер Виктор Орбан ја усвои оваа мерка со 255 гласови ЗА, 54 ПРОТИВ и 36 ВОЗДРЖАНИ.

Иако звучи чудно, вистина е дека овој данок ќе треба да го плаќаат граѓаните кои купуваат слатки, енергетски пијалоци и пакувани колачи. Данокот ќе изнесува 5 форинти за литар пијалок и 250 форинти за литар енергетски пијалок и нешто помеѓу 100 и 200 форинти за бисквити и колачи. За ориентација, едно евро е околу 270 форинти.

Овој помалку бизарен данок е воведен како резултат на истражувањата на министерството за економија кои покажале дека романците се хранат нездраво, а како резултат на тоа се побрз е развојот на модерните болести (врзани со прекумерното внесување на сол и масти). Се поголемиот број на срцеви болни, болни од тумор, покачено ниво на шеќер во крвта едноставно ја чинат државата многу, па ова е безбедносна мерка со која граѓаните кои ризикуваат да се хранат не здраво, ќе мораат однапред да одвојат финансии за нивно евентуално лечење во иднина.

Како ви изгледа вам овој данок?