Кој на што троши повеќе - мажи vs жени

Тврдењето дека мажите и жените се од различни планети во размислувањата и не е некоја новост, а еден од најдобрите докази за тоа е и начинот на кој ги трошат своите пари.

Истражувањето спроведено од страна на BuzzFeed ги истакна тие разлики во една дијаметрално спротивна таблица.

Така мажите повеќе трошат на храна, а жените на облека за да се расположат. После храната, она што мажите ги прави среќни е електрониката, додека кај жените на втор место е храната, па потоа чевлите.

Исто така се покажало дека машкиот дел од популацијата е понаклонет кон алкохолот и трошат дупло повеќе на алкохол од жените. Жените пак, трошат двојно повеќе на хуманитарни акции од мажите. И едните и другите сакаат да трошат на излегувања, но и овде мажите се за малку повеќе трошаџии.

Без разлика на метросексуализмот кој ги насочи мажите повеќе да внимаваат на изгледот и со тоа и повеќе да трошат, сепак резултатите покажуваат дека жените трошат три пати повеќе пари на козметика. Тука мора да се земе предвид и фактот дека женската козметика е многу поскапа од машката.

Св. Валентин е празник кој е измислен за мажите повеќе да потрошат. Тие на овој празник трошат двојно повеќе од жените, а со поклонот купуваат и цвеќе.

Одговорот на тоа кој поразумно троши е жените, бидејќи поминуваат 40% повеќе време во споредување на цените од мажите.