Зошто да не барате совет од маж?

Ако сте се запрашале зошто сите жени кога имаат проблем најчесто  бараат совет од пријателките, а не од пријателите, ви препорачуваме да го прочитате советот кој една жена го доби од психологот (маж) кој пишува за еден англиски магазин.

Драг Џон

Се надевам дека ти ќе можеш да ми помогнеш. Пред некој ден, како и обично заминав на работа, а маж ми остана дома да гледа телевизија. Меѓутоа, автомобилот ми се расипа веднаш по тргнувањето и морав да се вратам назад во куќата и да го викнам сопругот да ми помогне. Кога влегов дома, не можев да им поверувам на сопствените очи! Тој беше во кревет со ќерката на соседите!

Имам 32 години, а мојот сопруг 34. Ќерката на моите соседи има 19 години. Во брак сме 10 години. Кога се соочив со него ми призна дека има секс со таа девојка веќе шест месеци. Не сака да оди на советување, а јас се плашам дека ќе се распаднам и итно ми треба вашата помош. Ве молам помогнете ми.

Искрено, Шила

Драга Шила

Ако автомобилот се расипал само по кратко возење, можно е да има некаков проблем со моторот.

Најпрво провери дали е се во ред со делот кој е задолжен за гориво. Ако е тоа во ред, провери ги вакуум цевките и провери ги жиците. Ако ни ова не помогне, можеби е расипана пумпата за гориво, па горивото не стигнува до моторот.

Се надевам дека ова ќе ти помогне.

Џон