6 Совети како да ги преживеете музичките фестивали

Премногу алкохол, дрога и секс во лошите хигиенски услови се вистинска опасност за здравјето на летните фестивали, предупредуваат експертите.

Изгореници од сонце, топлотни удари и воспаленија се најчести здравствени последици од музичките настани. Повремено се појавуваат и проблеми со сексуално преносливи болести и срцеви удари – изјавил др. Марк Салтер од Агенцијата за заштита за здравје за BBC.

Доктор Салтер повеќе од 20 години пружа медицинска помош на музички фестивали и тврди дека ризикот од инфекции кај публиката е неизбежен како резултат на големиот број луѓе на ограден простор без фиксни тоалети.

Ова се совети кои треба да ги практикувате за да го сочувате здравјето:

- Ако не се чувствувате добро пред фестивалот, особено ако сте настинати или имате дијареја, не би требало да го посетите настанот за да спречите ширење на инфекции.

- Информирајте се за здравствените услуги на фестивалот и при првите симптоми на болест, побарајте помош

-  Со себе секогаш носете лекови кои ви се неопходни ако патите од некои хронични болести, алергии и сл.

- Користете кондом и потрудете се хигиената да ја одржувате на пристојно ниво

- Пијте вода од обележани чешми или флаширана

- Заштитете се од сонце со креми, очила, капи...