Сексот и животните

Каков секс имаат животните? Кој има најголем полов орган? Кои животни се најромантични? Прочитајте неколку интересни факти кои нас не изненадија!

 

• Женската црна вдовица го јаде својот партнер за време на сексот.

• Алигаторките ја чуваат својата линија пред секс и затоа гладуваат 2 месеци пред парење. Често се случува во зоолошката градина да настанат оргии кога се работи за алигаторите.

• Пенисот на носорогот е долг 60см. Тоа не е ништо во споредба со коалите, игуаните и комодо гуштерите кои имаат по 2 пениса. А, и тоа е занемарливо кога ќе дознаете дека синиот кит има тестиси колку Фолксваген Буба.

• Оргазмот на свињите трае 30 минути. Но, затоа кутриот пингвин одвојува за секс само 3 минути годишно.

• Најненаситни цицачи се шимпанзата кои се задоволуваат меѓусебно на најразлични начини. Забележано е дека женките во некои периоди имаат односи и по 20 пати на ден. Прав рекордер е пустинскиот стаорец кој е во состојба да се пари и по 120 пати на час.

• Сексот на куните трае 8 часа. Комарците го прават тоа само 2 секунди.

• Погодете кој го прави тоа најбавно? Па кој друг ако не желките! Прво со часови се влечкаат и успорено климаат со главите. Потоа мажјакот ја зема главата на женката во својата уста. Предиграта уште не е готова- следи лижење на женските стопала и дури потоа започнува најдосадното парење на светот.

• Снаодливите октоподи спермата ја внесуваат во женскиот репродуктивен орган со помош на краците, а нивните полови органи никогаш не се допираат.

• А скорпиите? Мажјакот со клештите ја зграпчува женката, испушта сперматозоиди на земјата и потоа ја влече женката по подот за да дојдат нејзините репродуктивни органи во контакт со течноста.

• Меѓу најнежните љубовници на светот - се вбројуваат слоновите. За нив нема секс на прв состанок. Парот се заљубува преку телесната миризба, а потоа почнува едномесечно додворување каде мажјакот и нуди храна на женката или ја прска со вода по нозете. По сексот парот се милува со сурлите и опашките.

И за крај, се враќаме на хомо сапиенсите. Дали сте знаеле дека само 2 вида практикуваат секс од уживање? Човекот и делфините.