Како свежите намирници да останат подолго свежи?

Во лето сите плодови побргу созреваат, па затоа многу внимателно треба да ги чувате во домот. Доколку сте љубител на готвењето и сакате свежото овошје и зеленчук да остане свежо подолго, следете ги овие неколку совети.

- Чувајте ги компирите со јаболката. На тој начин никогаш нема да из’ртат.

- Секогаш чистете го скапаното овошје. Едниот расипан плод секогаш ги расипува и останатите.

- Завијте ги врвовите на бананите со алуминиумска фолија. На тој начин бананите ќе траат 3 до 4 дена подолго.

- Ставете салфетка на горниот дел од салатата, а потоа замотајте го садот со фолија. Едноставен трик со кој ќе ја сочувате свежината на салатата.

- Зеленчукот секогаш чувајте го во фолија. Целерот, брокулата или зелената салата секогаш нека биде замотана во алуминиумска фолија пред да го ставите во фрижидер. На тој начин ќе издржи 4 недели подолго.

- Користете тегли, наместо овошјето и зеленчукот да го оставате директно во фрижидерот, непокриено.

- Кромидот чувајте го во тенки хулахопки, исто како кога фарбате јајца со кора од кромид. Миризбата нема ни да се почувствува, а плодот ќе остане свеж подолго.

- Никогаш не чувајте кромид или лук во близина на компир. Не се знае зошто, но во оваа комбинација плодовите побрзо се расипуваат.

- Доматите никогаш не ги чувајте во пластични кеси. Секогаш оставете го во картонска кутија, свртен наопаку. Совршено зрелите домати се чуваат и созреваат исклучиво на собна температура.

- Јаткастите плодови секогаш чувајте ги печени за да не примат чуден мирис кога се свежи.

- Печурките чувајте ги во хартиена кеса. Важно е влажноста да не стигне од нив, па затоа чувајте ги на студено и суво место, не во фрижидер.