Подгответе: Неодоливо домашно чоколадо

Откријте како да уживате во омилениот десерт во кој било дел од денот! Рецептот е едноставен и брз, а производот кој ќе го добиете е неодоливо вкусен.

Изненадете се себеси со прекрасна коцка чоколадо која ќе ја подготвите со многу љубов.

Потребно ви е:

• 1 шолја масло од кокос
• ½ шолја мед или сладок сируп
• 1 шолја какао во прав
• Прстофат сол
• 1 лажица екстракт од ванила
  
  

По желба, додадете брашно од кокос, суво овошје или дробени лешници, ф’стаци, бадеми

Подготовка:

Во поголем сад истурете го маслото од кокос и оставете го да се загрее. Постепено додавајте го медот или сирупот, малку сол, екстрактот од ванила и на крај шолјата какао.

Мешајте ги состојките, а доколку одбравте да го “зачините” вашето чоколадо додајте го сувото овошје или апетисаните.

Не дозволувајте смесата да зоврие. Тргнете ја од оган и оставете да се олади неколку минути.

Претурете ја смесата во калапи и оставете ги во замрзнувач неколку часа пред да ги послужите.

Декорирајте со уште сушено овошје, цимет или некој овошен прелив.