Најсмешни глупави прашања

Најсмешните глупави прашања се прашања на кои не може да се одговори разумно. Ако сакате да поставите некое прашање кое нема врска со животот, еве прилика да добиете инспирација.

Секако ве повикуваме и вас да поставите некое глупаво прашање.

Знаеме дека некој ќе рече: Не постојат глупави прашања, постојат само глупави одговори. Па ако е така, тогаш одговорете паметно на следниве прашања:

- Ако прасето го раните со лосос, ќе има ли повеќе омега 3 масти?

- Дали електронската цигара може да се пуши кога грми?

- Зошто одвоено се пишува заедно, а сите заедно, одвоено?

- Каква боја има Штрумфот кога го давите?

- Дали зебрата е црно животно со бели пруги, или бело животно со црни пруги?

- Кога умрело Мртвото море?

- Дали портокалот се вика портокал затоа што има портокалова боја, или портокаловата боја се вика портокалова затоа што портокалот има портокалова боја?

- Што би се случило ако возите автомобил со брзината на светлината и кога при тоа ќе ги запалите светлата?

- Каде стои ветерот кога не дува?

- Зошто зборот скратеница е толку долг?

- Колкава е просечната брзина на глушецот ако го брка гладна мачка?

Има ли одговори?