На продажба е најголемиот портокалов дијамант на светот! (видео)

Освен тој дијамант, на аукцијата во текот на ноември ќе се најде и најголемиот розов дијамант чија цена лесно би можела да достигне 60 милиони долари.

Најголемиот портокалов „вивид“ дијамант на светот ќе биде понуден на аукција на 12 ноември во Женева, соопштила аукциската куќа Кристи.

Овој дијамант во облик на бадем ќе биде главен на лицитацијата, а вредноста на овој 14,82 каратен дијамант се движи помеѓу 17 и 20 милиони долари.

Помеѓу останатите ретки парчиња кои ќе се најдат на аукцијата на Кристи се и огрлицата од дијаманти и смарагди која и припаѓала на египетската принцеза Фавзија (1923-1994), една од петте сестри на кралот Фарук. Огрлицата, изработена од „Ван Клиф“ златарата, се проценува на 2,7 до 3,7 милиони долари.

Само ден подоцна, на 13 ноември, конкурентската аукциска куќа Сотби ќе го понуди најголемиот црвен дијамант на светот кој лесно би можел да достигне вредност од астрономски 60 милиони долари.