5 типови досада: Каква е вашата?

Во моментите кога не постои ништо што нè стимулира, наеднаш чувствуваме некоја празнина која едноставно не знаеме да ја исполниме, па велиме дека ни е досадно. Научниците досега идентификувале пет различни типови досада.

Индиферентна досада се опишува како состојба на замор, повлекување во себе и безволност која нема негативни чувства. Овој, релативно безопасен облик досада се манифестира со мрзеливост и незаинтересираност за светот околу себе.

Прилагодлива досада вклучува и фантазирање, желба тој момент на досада да се промени. Психолозите, овој вид досада го категоризираат како неудобна емоционална состојба.

Вознемирувачка досада има компонента на благо стегање и психички немир во кој поединецот активно бара начин за извлекување од таа состојба.

Излудувачка досада ги мотивира луѓето што поскоро да пронајдат излез од неа и да најдат нешто што ќе работат, притоа се лутат, неретко пцујат и изразуваат силни негативни чувства.

Апатична досада во која личноста не може да ја поднесе моменталната ситуација во која се наоѓа, но нема храброст да ја промени, па така, со монотонијата се јавува и тагата и беспомошноста.

Како се чувствувате вие кога ви е досадно?