Град од милион чепкалки

Пред 34 години Скот Вивер почнал да ја лепи својата скулптура. Од милион чепкалки за заби, по илјада часа работа и вложен труд, ја изработил макетата...

 

...на Сан Франциско. Вистинско ремек дело!

Импресивната скулптура е висока речиси 3 метри во висина и два во ширина.

Преживеала четири селидби, земјотрес и домашното милениче - германска дога која со еден замав со опашката срушила стотина часа работа.

“Отсекогаш сум сонувал како ќе ја изработам најголемата макета од чепкалки“ - вели Вивер со детска занесеност.

Роден е на престапен ден 1960 година па технички гледано тој има 12 години.

Скулптурата веќе ја воодушеви публиката на неколку саеми во земјата, а привлече внимание и на музејот на Рипли кој понудил 40.000 долари за откуп.

Вивер не ни помислува да ја продаде својата креација.

Негова желба е еден ден да ја подари на својот роден град Сан Франциско.