Жената која направи ГОЛЕМА промена

Мора да признаеме, дека жените низ минатите векови се покажаа како најдобри пронаоѓачи на изуми, рамо до рамо со мажите. Иако ги користиме тие изуми секојдневно, воопшто и не знаеме кој истите ги измислил.

Дали некогаш сте се запрашале кој ја измислил машината за садови?

По купувањето на машината, сигурно сте почувствувале големо ослободување, по што и вашето слободно време го користите надвор од кујна (особено ако сте „новопечени” родители).

Заслугата за овој изум припаѓа во рацете на жената Џозефина Кочрејн. За неа е познато дека припаѓала на фамилија со богата историја и успеси.

Порасната во луксуз и богатство, ја создава денес најупотребуваната машина за садови. Откако таа ќе приредила забава во нејзиниот дом, нејзините домашни помошнички невнимателно ги миеле садовите и ги кршеле.

Сакајќи да го заштити својот скап, кинески порцелан ги отпушта помошничките и започнува самата да се грижи за садовите. Подоцна сфаќа дека тоа е тешка задача и изјавува:

„Доколку никој не ја измисли машината за садови, тоа ќе го сторам јас”.

Токму тоа и се случило. Процесот на создавање траел долго, и откако ја конструирала, ја освоила наградата за „Најдобра Механичка Конструкција”.

Отпрвин, оваа машина била купувана од страна на големите, реномирани ресторани и хотели. Пресвртот се случува кога машината била откупена од компанијата Хобарт, која започнува со отворање на сосема нова линијата наречена - „Кујнска помош”.

Мора да се согласиме дека оваа направа заштедува големо време, а и тој период е значаен за борбата на жените за еднаквост со мажите и за правото на глас.

Така, Џозефина е прогласена за хероина и шампион меѓу жените.