5 вежби за подобрување на меморијата

Меморијата може да се подобри во секое време, но потребно е постојано вежбање, мотивација и надградување. Ако имате проблем со меморијата не мора да пиете лекови, доволно е да правите 5 едноставни вежби кои ќе ви помогнат да ја развиете и да успеете секојдневно да ја обновувате со нови информации.

1. Чкртајте

Додека сте на состанок или предавање и ви се чини дека е досадно, но мора да бидете присутни, тогаш отворете го тефтерот и чкртајте или запишувајте зборчиња што ќе ви прелетаат од она што го слушате. На тој начин ја одржувате работната меморија, а подоцна кога ќе ги видите зборчињата ќе се сетите и на она што било кажано.

2. Читајте

Постојано и во секое време кога можете, читајте. Така ја одржувате концентрацијата, внимавате на содржината и ги поврзувате работите. Читањето е секогаш корисно за меморијата.

3. Гответе без рецепт

Прочитајте го еднаш рецептот и одете во кујната. Не се навраќајте до ливчето туку трудете се да се сетите на секоја состојка. На тој начин м,ногу полесно ќе го запаметите. Можеби првично ќе ви оди бавно, но следниот пат нема да има потреба ни да го погледнете рецептот.

4. Мирисајте рузмарин

Научно е докажано дека рузмаринот ја поттикнува концентрацијата и влијае на доброто помнење. Притоа ослободува пријатен мирис кој ве опушта и ве смирува за полесно да се сетите на она што ви е потребно.

5. Користете Фејсбук

Умереното користење на Фејсбук помага постојано да забележувате нови информации и да ви остануваат во меморијата, да се присетувате и да се навраќате. Преку Фејсбук дознавате многу работи одеднаш и со тоа ја развивате меморија за да запомните или да ги обновите.