Корисни трикови кои ќе ви откријат дали носите погрешен градник

Стручњаците тврдат дека дури 80% од жените носат погрешен број на градник, но и погрешен облик.

Потрагата по удобниот градник понекогаш ни се чини невозможна, токму поради фактот што не знаеме каков градник да одбереме, која големина, облик на корпите...

Овие неколку совети ќе ви го олеснат купувањето на градникот, но и ќе ви покажат кога е време да го фрлите стариот градник:

Дали градникот е преголем?

Ако корпите од градникот не ви се припиени за градата и имате простор, тогаш градникот е преголем. Во ниеден случај градникот не би требало да се одвојува од телото, туку да ја следи линијата на градите.

За да бидете сигурни дека градникот ви е точен, ставете го прстот на долниот дел од градникот, односно корпата. Во тој дел од градникот, не треба да има место за повеќе од еден прст. Освен тоа, кога го облекувате градникот подигнете ги рацете нагоре, ако и вашиот градник се крева нагоре тогаш тој е преголем за вас.

Дали градникот е премал?

Градникот треба да биде припиен, но и тоа има своја граница. Доколку градникот ви ја превиткува кожата, тогаш значи дека е премал.

Трагите по кожата и болките во рамениците или грбот исто така е показател дека носите помал број од потребното.

Други проблеми со градникот

Широките градници и претесните не се единствен проблем. Сетете се само на болките на рамениците, стриите и другите неподносливи болки заради погрешно одбраниот градник.

Затоа, овие совети секогаш имајте ги на ум:

- Салото на грбот обично се појавува со дебелеењето, но и со стареењето, бидејќи со текот на годините кожата губи на еластичност. За да ги смалите наборите на вашиот грб, одберете градник кој е поширок на задната страна, а за уште подобри резултати облечете памучна поткошула за изедначување на линиите.

- Стриите во пределот на градите се појавуваат како резултат на погрешен градник. Стриите настануваат бидејќи градите немаат соодветна поддршка. За да ги ублажите стриите користете посебни креми и внимавајте при изборот на корпите од градниците.

- Прерамките на градникот служат како потпора за само 10 проценти од тежината на вашите гради. Ако прерамките ви се премногу припиени за рамениците, тоа значи дека градникот не е премногу стегнат за вас. Тоа најдобро ќе го проверите со тоа што ќе ги извадите прерамките, ако градникот и без нив стои добро на вашите гради и изгледа цврсто тогаш е во ред.