Банкомат полн изненадувања: Понекогаш едно „Благодарам“ може да ви го промени денот (видео)

Во канадската банка Toronto Dominion Bank бил организиран среќен петок, кога околу 20.000 вработени низ Канада дистрибуирале зелени чекови со $20 долари за клиентите кои биле во банките, а останатите биле информирани по телефон дека ќе им биде дополнета сметката. Вкупно 30.000 клиенти биле изненадени.

Неколку од клиентите кои биле во некоја од банките добиле и многу поголеми изненадувања. Од специјален банкомат кој им се обраќа со гласовни пораки било побарано само да кажат „Благодарам“, а за возврат добивале, вредни подароци, патувања, спортска опрема, букети цвеќе.

Нивните реакции се максимално позитивни и воодушевувачки. Пример за тоа како едно „Благодарам“ може некому да му го смени денот.

Токму на тој начин оваа банка сакала да им се заблагодари на своите клиенти за довербата и верноста која тие ја покажуваат.

Кој не би посакал ваков банкомат?