6 причини зошто секогаш треба да имате пиво во фрижидер

Популарниот пијалак од јачмен и хмељ не служи само за разладување во жешките денови, туку знае и да ги реши ситните проблеми низ домот.

Еве зошто во секој момент треба да имате шише пиво во фрижидерот:

1. Пивото ги заштитува билките од полжави. Доволно е во мал сад да истурите малку пиво, да го распоредите насекаде низ дворот и да го оставите преку ноќ. Наутро ќе ги забележите сите полжави кои не можеле да му одолеат.

2. Ослободете се и од мушичките кои ви ја опседнуваат чинијата со храна. Во чаша истурете малку пиво и затворете го со проѕирна фолија. Направете мал отвор во фолијата. Аромата на пивото ќе ги привлече мушичките кои подоцна нема да може да излезат од чашата.

3. Вашите билки, но и зеленчуци и овошја кои ги имате во дворот го обожаваат шеќерот кој се наоѓа во пивото. Од таа причина, тоа е идеално ѓубриво.

4. Пивото е одлично за полирање на златниот и сребрениот накит. Со памучна крпа навлажнета со пиво вратете им го сјајот на омилените обетки, бразлетни и огрлици.

5. Пивото кое испарило е одлично средство за полирање на дрвениот мебел. Доволно е да истурите малку на памучна крпа, а потоа да ги пребришете сите полици, столчиња и маси.

6. Отстранете ги флеките од кафе или чај така што ќе ги натопите со малку светло пиво. Почекајте барем 1 час, па потоа исперете ја облеката или ткаенината на стандарден начин.