Како да го одржите градникот како нов?

Секоја жена води битка со обликот, жиците и боите на градникот, кои по само неколку перења ја менуваат првобитната форма.

За да го сочувате омилениот градник како штотуку да сте го купиле, почитувајте ги овие правила при секое перење:

1. Закопчајте го градникот пред перење - За да не ви се виткаат краевите или да не се закачи за друго парче облека, најдобро е секогаш да го перете закопчан.

2. Наместете ја температурата - Ако градникот го перете на рака, правете го тоа во студена вода. Ако го перете во машина, исклучете ја центрифугата и наместете ја температурата на 30 степени.

3. Купете вреќичка за долна облека - Градниците и гаќичките најдобро е да ги перете одделно, во вреќички наменети за нив.

4. Спојте ги боите - Секогаш перете го градникот со облека во слична боја за да не ви се случи незгода. Никој не сака кога штотуку облечениот градник има некоја чудна мешавина на бои и шари.

5. Внимавајте на тежината на ткаенините - Нежните градници никогаш не ги перете со фармерки, пешкири или крути и тешки парчиња облека. Облеката селектирајте и перете ја според тежината. Јасно ни е дека секогаш имате простор за уште еден градник плус во машината, но до ова правило вреди да се задржите.

6. Враќајте ги перничињата на свое место - Ако перете push-up градник, уште додека е мокар, задолжително наместете ги перничињата кои најверојатно се изместиле.