Каде на меден месец?

Наместо опуштање во егзотични места или крстарења, многу парови медениот месец се одлучуваат да го поминат во некој од популарните градови кои овозможуваат...

 

...откривање на културата, животот и забавата во овие места. Погледнете кои не најубавите европски градови кои младите најчесто ги одбираат како дестинација за нивниот меден месец.

1. Барселона

Ако верувате дека љубовта доаѓа преку желудникот и брачното патување сакате да го запомните по добриот ноќен живот, Барселона е вистинско место за вас. Не пропуштајте да вкусите шкампи во сос од лук, октопод на жар или тенко сецкана шунка и пршут.

Задолжително напијте се барем чашка шпанско црвено вино. Барселона е позната како метропола на архитектонскиот модернизам па затоа задолжително посетете ги најзначајните дела на Антонио Гауди. И секако магичните фонтани!

2. Париз

Не е тајна дека овој романтичен град привлекува љубовници од целиот свет. Иако можеби звучи премногу туристички, ако одлучите да го поминете медениот месец во Париз својот партнер задолжително одведете го на Ајфеловата кула.

Погледот на реката Сена, прошетка во паркот Луксембург, црквата Светото Срце ќе го направат вашето патување незаборавно и романтично.

3. Прага

Најстариот дел од градот датира од 12-ти век. Тесните улички, средновековни градини, Карловиот мост каде треба да се бакнете за вечна љубов, безброј цркви...

Прага е еден прекрасен град. Ако сте љубители на џезот Прага нуди безброј џез клубови. А, секако за љубителите на пивото тука се Чешките пивници.

4. Единбург

Градот на УНЕСКО е совршен за парови кои умеат да сонуваат. Неизоставен дел од градот е улицата Royal Mile, која се протега од единбуршкиот дворец на шкотската резиденција на британското кралско семејство Palace of Holyroodhouse.

Историските знаменитости, дуќани, кафулиња, пабови и ресторани кои се сместени само во овој дел можат да ве забавуваат една седмица. Вистинското лице на Единбург се неговите фестивали на уметност.

5. Фиренца

Најубавата кујна на светот и најубавото тосканско вино Chianti ќе ги најдете во Фиренца. Местото на вечна ренесанса, романтични улици, раскошни паркови кои сепак поради спарната клима треба да ги избегнувате во летниот период.

Посетете ја катедралата Дуомо и една од најбогатите светски галерии според вредноста на уметничките дела, Uffizi, Микеланџеловиот Давид и мостот Ponte Vecchio.