Не живеам за...

Живееме бидејќи мораме, но таа обврска не мора да ни претставува тежина и причина поради која ќе се чувствуваме незадоволно од нашиот живот.

Доколку го гледаме животот на позитивен начин и го претвориме во обврска која обожаваме да ја извршуваме тогаш ќе сфатиме дека треба повеќе да живееме за да бидеме среќни, а да не живееме за другите.

Секој треба да има барем неколку правила кои ќе го потсетуваат за што треба, а за што не треба да живее.

Јас имам неколку:

- Не живеам за да ги исполнувам желбите на сите околу мене, не сум златна рипка.

- Не живеам за да патам од сиромаштија, јас заслужувам богатство и ќе се потрудам истото да го добијам.

- Не живеам за да ги трпам лажните пријатели кои ќе ме озборуваат позади грб и ќе ме туркаат кон дното.

- Не живеам за да ги задоволам барањата на колегите на работа, доволно е да ги задоволам барањата на шефот, бидејќи тој ме плаќа, а не тие.

- Не живеам за да се одмаздувам, животот е тркало, а кармата сепак постои.

- Не живеам за да давам безброј шанси на луѓе кои не знаат да ги искористат, бидејќи единствено втората шанса е важна кога си ја даваме себеси.

- Не живеам за да апстинирам, јас сум личност која сака секс и не се срами тоа да го побара од партнерот или да побара партнер кој ќе и го пружи тоа задоволство.

- Не живеам за да имам несреќен живот, јас заслужувам среќа, љубов и благосостојба.

- Не живеам за да ги сонувам своите соништа, живеам за да ги остварам!

За што не живеете вие?