За што сè може да го искористите фенот за коса?

Вообичаено фенот го користиме само за сушење на косата, но секогаш постојат и други примени во кои може да биде многу корисен.

- Кога ќе залепите некоја слика на хартија и мислите дека нема шанси да ја одлепите, а да не ја искинете, со помош на фенот можете да ја изведете оваа мисија. Доколку го вклучите и го насочите на едната страна од фотографијата, лепилото ќе се загрее и ќе може лесно да ја одлепите и да ја ставите на друго место или во друга позиција.

- Кога чистите дома и не можете да допрете до некои ќошиња или тешко достапни места, тогаш фенот може да ви помогне да ја издувате прашина .

- Завесите кои ви се околу тушот во бањата, често може да изгледаат истуткано, а затоа што не се пеглаат со помош на фенот многу лесно и брзо може да се исправат.

- Кога правите глазура за торта, важно е таа брзо да се стврдне и исуши, а за тоа доволно ви е да го вклучите фенот на студено дување и глазурата ќе биде готова за миг.

- Доколку ви се залепи пластелин на незгодно место, доволно е да го загреете со топлиот воздух од фенот. Набрзо ќе омекне и ќе може лесно да го отстраните.