Фејсбук не е виновен за пропаднатите врски, туку луѓето...

Често слушаме како луѓето велат дека Фејсбукот им ја уништил нивната врска, но зарем пред да постои оваа социјална мрежа луѓето беа само во среќни врски?

Мора да признаеме дека ниту Фејсбук, ниту порното, ниту стриптиз баровите не се виновниците за пропаднатите врски, туку луѓето се тие кои ги уништуваат.

Фејсбук е тука за да ни даде лесен и едноставен начин да одржуваме контакт со луѓето, а далеку од тоа дека оваа социјална мрежа носи одлуки наместо нас. Мора да научиме самите да се носиме со последиците од нашите акции. На крајот од денот, токму ние сме тие кои одлучуваме кому да го посветиме нашето внимание, зарем не?

Ако вашата цел е да имате здрава и солидна врска, која се базира на искреност, тогаш разговарајте отворено со партнерот околу вашите стравови поврзани со оваа социјална мрежа и преку разговор ќе сфатите дека постојат и многу поважни работи од кавгите за тоа зошто вашето момче или девојка стиснало „лајк” на некоја фотографија.

Во здрава врска нема да мора да го поминувате времето грижејќи се за тоа што вашиот партнер или партнерка прави на екранот или со кого се допишува додека е на мобилниот телефон, бидејќи вие ќе имате нешто многу посилно: доверба. Најпрво ќе си верувате себе, а потоа и на саканата личност.

Фејсбукот не е проблемот, а најлесно ни е да го обвиниме токму него. Затоа откријте во што се крие проблемот, работете на него и решавајте го заеднички.