4 лаги во кои на крајот и сами веруваме

Веројатно ја имате слушнато изреката дека ако една лага си ја кажете повеќе пати, на крајот и сами ќе поверувате во неа. Тоа се оние лаги со кои сакаме самите да се залажуваме или со кои свесно ја избегнуваме вистината што не можеме да ја прифатиме.

Ова се дел од лагите кои постојано ни се јавуваат низ секојдневието и во кои на крајот и сами си веруваме.

1. „Ако се промени мојот партнер, пријател, шеф и мојот живот би бил многу подобар“

Наместо да ги обвинуваме другите, понекогаш вината за лошиот живот треба да ја побараме во себе.

2. „Ако имам подобра работа не би бил/а беден/на и очаен/на“

Уште едно убедување во незадоволството од себе или од работата. Понекогаш бараме некој конкретен пример на кој ќе го насочиме незадоволството, наместо да прифатиме дека сме незадоволни од себе како личност. Ако е проблемот работата, решението е да ја оставите и да побарате подобра. Но, она што не можете да го напуштите сте самите вие.

3. „Премногу сум стар/а за дополнително образование, патување, вежбање...“

Ако барате само изговор за да не направите поголем напор или да размислите подобро, оваа лага е лесно прифатлива. Но е многу погрешна, затоа што за ништо што вистински сакате не е никогаш доцна.

4. „Кога би бил/а заљубен/а и би имал/а совршено тело, сигурно би бил/а посреќен/а“

Посакувате работи кои не можете да ги добиете во истиот момент, но сигурно не треба да ја одредуваат вашата среќа. Она што треба да го направите е да се прифатите себе и да признаете дека ако имате поголема самодоверба и се сакате онакви какви што сте, сигурно би биле среќни и без совршено тело.