Ја исмевале 4 години, а на матурата ги воодушеви сите со фустанот кој сама го дизајнирала

18-годишната Kyemah McEntyre се одлучила својот матурски фустан да го дизајнира сама и создала уникатен фустан кој носи со себе многу важни животни пораки.

Младата девојка од Њу Џерси, инспирирана од своето афричко потекло и малтретирањата и исмевањата кои секојдневно ги добивала на училиште, решила нејзината порака наместо со збор да ја искаже со нејзиниот фустан.

Рачно го изработила нејзиниот матурски фустан по скица која секако сама ја насликала и на социјалните мрежи ја објавила мотивацијата која стоела зад нејзиниот изглед.

„Јас имам 18 години и без сомнеж имам Афричко потекло. Како уметник имам комплетно различна гледна точка споредено со повеќето останати индивидуи“.

И секако натаму продолжува со посветата која ја објавила на Инстаграм и Твитер: „Ова е за оние кои се етикетирани како „грди“ или „гневни“. Фала богу што стереотипите се само мислења“.

Фустанот е составен од горен дел во тело и широк долен дел на кој се прелеваат боите на Африка во етно дезен и со длабоко деколте.

Како ви се допаѓа?

• 
• 
• 
• 
• 
• 
• 
• 
• 
• 
• 
•