Светнете го домот: 12 намени на обичното средство за садови кои ќе ве воодушеват

Одлични вести за оние кои сакаат да заштедат! Ако мислевте дека средството за садови е наменет само за да ги исчистите масните чинии и чаши, се лажете.

Евтиниот течен детергент има уште најмалку 12 корисни намени:

1. Мраз за патничкиот фрижидер

Средството за садови има слични својства како и материјата која се наоѓа во калапите на патничките фрижидери. Затоа, наполнете ја вреќичката за замрзнување со него, добро заврзете и замрзнете по потреба.

2. Подмачкајте ги вратите

Наместо да подмачкувате со масло, во недостаток на средство за подмачкување со течен детергент, тој е одлична замена.

3. Убијте ги болвите во тепихот

Ако домот го делите со маче или куче, сигурно знаете дека отстранувањето на болви е речиси невозможно, посебно ако се наоѓаат во тепихот. Наместо да го фрлите, сјајот помешан со вода може да ви помогне. Потребно е само да ја премачкате површината и да почекате неколку минути.

4. Против масни флеки

Сако втријте течен детергент на масната флека и измијте со вода. Тој е доволно благ па со него може да чистите и чувствителни материјали како волна или свила.

5. Измијте ги плочките во кујна и тоалет

За топлата вода да ја претворите во совршено средство за чистење на плочки, потребно е да ставите 2 лажици течно средство за садови. Оваа мешавина е идеална за чистење на плочките, но строго забрането е бришењето на дрвени површини.

6. Вратете го сјајот на мебелот во двор

Во мал сад со топла вода додадете малку детергент за садови и со меко крпче пребришете го мебелот кој долго стои на отворено. Потоа обилно исплакнете со вода. Секако, ова повторно не важи ако се работи за дрвени гарнитури и столчиња.

7. Исполирајте го накитот

Малку течен детергент помешан со минерална вода може да направи чуда за вашиот накит. Натопете го накитот околу 5 минути во ваква мешавина и потоа пребришете. За потврдокорните дамки, исполирајте со стара четка за заби.

8. Исчистете ги четките за коса

Помешајте неколку капки сјај со топла вода и потопете ги чешелите и четките за коса. Потоа истријте, исплакнете и оставете ги да се сушат на пешкир.

9. Детегрент за рачно перење

Наместо да купувате прашок за рачно перење, слободно послужете се со течен детергент за садови. Подеднакво е корисен, а има и подобар мирис.

10. Уловете ги мушичките

Во сад со оцет додајте 3-4 капки средство за миење садови. Тоа ќе ги привлече сите мушички.

11. Ослободете се од дамките на тепихот

Помешајте лажица течен детергент со 2 шолји топла вода и темелно истријте ја флеката со крпа натопена во течноста. Повторувајте се додека флеката не се впие во крпата, а потоа исплакнете со  сунѓерче потопено во студена вода.

12. Пребришете ги кујнските елементи

Додајте малку течен детергент во топла вода и ставете ја течноста во шише со распрскувач. Темелно пропрскајте ги сите елементи, па пребришете со бела крпа. Ќе се изненадите зошто воопшто сте купувале средства и хемикалии кои не делуваат.