Зошто некои ликови ги забораваме при првото запознавање?

Едно истражување покажало дека изразите на лицето влијаат на тоа која личност ја паметиме по првото запознавање, а која не.

Стефани Риги од италијанскиот Универзитет во Фиренца открива дека луѓето кога за првпат запознаваат некоја личност многу поголема е веројатноста дека таа личност ќе им остане во сеќавањата, ако била насмеана.

На неколку испитаници покажани им се ликови со два различни изрази на лицето: среќа и страв, а потоа им биле прикажани весели сцени и сцени од сообраќајни несреќи.

Потоа повторно им биле покажани изразите на лицето.

Истражувачите забележале дека многу подобро ги паметеле оние насмеаните ликови отколку изразите на страв на лицето.

Што е со реалноста?

Некои од нас понекогаш се запрашуваат зошто луѓето околу нас не ни го паметат ликот. Ова истражување покажува дека најдобро е при првите средби ликот да ни е насмеан.

Ова е општо важечко правило во сите социјални ситуации: од интервјуата за работа до запознавање на новите потенцијални пријатели или партнери.