Како да ги исперете и избелите пожолтените перници?

Перниците знаат да бидат прилично непријатни за одржување затоа што со тек на време пожолтуваат и примаат непријатни мириси. Како такви, се идеално место за размножување на бактерии.

Заради тоа од клучно значење е нивното редовно чистење и одржување.

Што ви е потребно за домашно перење и избелување?

• Жешка вода
• 1 шолја прашок за перење
• 1 шолја избелувач за облека
• ½ шолја боракс (ациди борици)

Постапка:

Ставете ја перницата во машина за перење (освен ако на етикетата не пишува дека е забрането машинско перење). Додајте го прашокот за перење, избелувачот и бораксот, па вклучете на највисока температура.

Во машината ставете тениско топче ако перницата е од пердуви, за рамномерно да се наместат.

По завршувањето на програмата, извадете ја перницата и протресете ја со раце, па потоа ставете ја на центрифуга.

Извадете и повторно протресете додека не е целосно исушена.

Сушењето е исто така од клучно значење, па затоа е важно да ги следите овие совети:

- Ако ја сушите во машина за сушење, повторно ставете тениско топче внатре.

- Ако немате машина, перницата изнесете ја на балкон или едноставно закачете ја на жица. Не заборавајте на секој половина час да ја протресете со рацете за да не го изгуби обликот.