Реалност: Како би изгледал светот без Фотошоп?

Шоу бизнис светот отсекогаш продава фантазии и разубавена реалност, сето тоа убаво спакувано и прекриено со пудра, костими, магионичарски трикови и сценографии кои изгледаат неверојатно реално.

Меѓутоа, проблемот настана кога лагата се пренесе од ТВ екраните во реалниот свет. А, за се е виновен - Фотошопот.

Се почна како една машка игра за зголемување на задниците, градите и усните на познатите. Но, и тоа прерасна во тренд.

Да не постојат папарацо фотките веројатно сите ќе мислиме дека светските убавици немаат проблеми како акни, целулит и стрии.

Милион жени секојдневно се бомбардирани со идеални тела и совршен тен на актерките, пејачките и ријалити ѕвездите, па на крајот почнуваат да развиваат комплекси на пониска вредност затоа што мислат дека не се вклопуваат во калапот кој им се сервира.

Уредниците на модните списанија од друга страна пак тврдат како реалноста не продава. И тоа е сосема во ред. Сите сакаме малку фантазија и бајки, но само тогаш кога знаеме дека тие се креирани, без сето тоа да се сервира како нормално.

Кога наместо тоа, би ни се сервирале вакви необработени фотки, можеби не би биле толкави ситничари и вечно незадоволни...

• 
• 
• 
• 
• 
• 
• 
• 
• 
• 
•