Откриено: Зошто кожата на партнерот е толку нежна?

Научниците од Универзитетот во Лондон од неодамна откриле зошто најголемиот дел од луѓето имаат необично чувство на благосостојба кога ќе се доближат до голото тело на својот партнер и чувствуваат дека ниту една друга личност нема така свиленкаста и мека кожа.

Нежното чувство кое го чувствувате секој пат кога ќе се прилепите за кожата на дечкото или девојката всушност не е реално, туку илузија која ја креира вашиот мозок за да се засили сексуалното задоволство.

Овој необичен феномен е последица на активностите кои се одвиваат за време на разменувањето на нежности или при сексуалниот однос за да се зголеми чувството на среќа и опуштеност.

Испитаниците кои учествувале во ова истражување тврделе дека кожата на партнерот е „помека и од сопствената“, без разлика на тоа дали е точно.

Психологот Анје Гентш објаснува дека илузијата е најсилна тогаш кога милувањето е во склад со составот на кожата кој е чувствителен на сексуални допири и со самото тоа се засилува сексуалната возбуденост.

Ова значи дека најдобар одговор за тоа каква е кожата можат да дадат само бавните движења и оние кои се типични за паровите кои се во долготрајни врски и кои се поврзани со длабоки емоции.