Нешто повеќе за какаото

Топло чоколадо или какао ви се наоѓаат сигурно на менито кога сакате да се напиете нешто вкусно и топло. Какаото е високо концентриран прав направен...

 

...од чоколаден ликер – смеса која се подготвува од зрна на какао, плод на какао дрвото.

Се користи во подготовка на јадења, како составен дел на пијалаци и како состојка за добивање на длабоко интензивен вкус и арома.

ПЛОДОТ НА КАКАОТО
Плодот на какао има рапава лушпа која е дебела околу 3 см. Таа е исполнета со слатка пулпа која во себе има 30 до 50 зрна какао кои се многу слични по својот изглед со бадемот. Овие зрна се прилично меки и имаат розова или пурпурна боја.

ИСТОРИЈАТ
Овој плод се одгледува повеќе од 3.000 години, а први кои го употребувале биле Маите и Ацтеките. Колумбо го донел какаото во Европа во 1502 година, а шпанските конквистадори биле послужени со чоколадна напивка која отворила за нив нов свет на вкусови.

Од какаото, на почетокот, се подготвувала таканаречена „горчлива вода“, која поради вкусот во Европа почнала да се засладува со шеќер и се нарекувала ксокоати.

Во 1657 година, еден млад Французин отвора продавница во Лондон каде продава чоколадо, а нешто подоцна започнуваат да се појавуваат и продавници во кои се подготвуваат топли напитоци од какао и чоколадо.

Најголеми производители се Брегот на слоновата коска и Гана, со околу 60% од годишното светско производство.

ИНТЕРЕСНИ ФАКТИ

• Плодот на какаото расте директно од стеблото и наликува на мала диња;
• Неговото ботаничко име е „Theobroma“, што во превод значи „храна на Бог“;
• Путерот од какао многу често се користи при масажа;
• Маите и Ацтеките го користеле како валута и средство за утврдување на вредност;
• И најважното – од него се добива чоколадото.