Маркетинг лаги во кои често веруваме

На интелектуално ниво, сите знаеме дека рекламите лажат. Никој сериозно не верува дека менување на паста за заби која ќе ја направи вашата насмевка посјајна.

Сепак, постојат некои основни претпоставки кои се навикнавме да ги донесуваме, што ги земаме здраво за готово, со што им овозможуваме на рекламните трикови да делуваат.

Ова се некои од маркетиншките лаги на кои речиси сите им веруваме:

Празни зборови

Искуството не има научено дека зборови како „делукс" обично значат нешто важно, специјално или посебно. Проблемот е што огласувачите се играат со зборовите, односно со правното значење на поимот и редовното значење на кое сите сме научени. Така што можеме да купиме, на пример, премиум вотка која ќе има вкус на ракија, а ќе ја платиме поскапо поради епитетот пред неа.

Бројки и статистики

„9 од 10 стоматолози ја препорачуваат оваа паста за заби.“

Најдобар пример за манипулација со бројки е рибино масло. Пред неколку години една компанија изјави дека имаат докази дека рибиното масло им помага на децата од училишна возраст за подобра концентрација. Овие „докази“ биле поткрепени со податоци, бројки, и статистика, што значи дека не можеле да лажат. Меѓутоа, тие лажеле. Податоците кои ги собрале доаѓале од мало истражување на омега-3 киселини, а не од рибино масло. Поради ова се зголеми продажбата на апчиња од рибино масло.

Овие работи се случуваат често во здравствената индустрија.

Експертите знаат што зборуваат

Повеќето луѓе се свесни дека не можат да знаат сè. Ова не е случајот со експертите. Тие знаат што е најдобро за нас. Барем така сакаат да мислиме. Но, понекогаш треба да се запрашаме: дали тие навистина се искрени, или некоја компанија им испратила многу пари за да изјават две-три реченици.

Оптичка илузија

Колку пати ви се има случено да нарачате хамбургер, хот дог или тост, кој на сликата изгледа како да е подготвен од боговите, а не од луѓето, но кога ќе го добиете, реалноста е сосема поинаква од вашите очекувања?

Иако компаниите се обврзани со закон да користат вистински слики од храна во нивните промотивни фотографии, не постои закон во кој пишува дека тие слики не можат да се обработат во Фотошоп.

Квалитетот е објективен

Ако еден производ ја исполнува својата функција (на пример, да биде вкусен или да мириса добро) подобро од другите, значи дека е поквалитетен според нашите стандарди. Но, ова не е точно. Нашиот концепт за „квалитетот" може прилично лесно да се изманипулира со реклами.

На пример, италијанското пиво Peroni е скап пијалак во Велика Британија, додека во Италија е евтин. Во едно истражување, истражувачите покажаа дека луѓето ќе веруваат дека одреден продукт има висок квалитет доколку има висока цена.

М.А. | Црнобело