Зошто некои луѓе стануваат агресивни кога се гладни?

Дали некогаш сте се налутиле на некого без одредена причина, бидејќи бевте гладни? Или некој вас ви се налутил од истата причина?

Зошто се случува ова? Одговорот лежи во некои од процесите кои се случуваат во вашето тело кога му е потребна храна.

Јаглехидратите, протеините и мастите стануваат шеќери, аминокиселини и слободни масни киселини. Овие хранливи материи влегуваат во крвотокот од каде што се дистрибуираат до вашите органи и ткива и се користат за енергија.

Како што поминува времето после последниот оброк, износот на овие хранливи материи кои циркулираат во крвта почнува да опаѓа. Ако нивото на гликоза падне доволно ниско, вашиот мозок тоа ќе го доживе како состојба опасна по живот, бидејќи вашиот мозок е зависен од гликозата.

Кога сте гладни потешко можете да се контролирате и станувате агресивни.

Кога нивото на гликозата ќе се намали до одреден степен, мозокот ослободува хормони кои ја зголемуваат количината на шеќерот во крвта.

Главни хормони кои мозокот ги ослободува се: хормонот за раст, глукагонот и адреналинот. Адреналинот е хормон за стрес кој се ослободува во сите видови на стресни ситуации.

Една од причините зошто гладот и агресијата се поврзани е бидејќи ги контролираат заедничките гени. Еден од нивните производи е невропептид Y, хемикалија која го стимулира нагонот за јадење. Покрај тоа што е одговорен за чувството на глад, невропептидот Y, исто така ја контролира агресијата и лутината.

Лутината и агресивноста се очигледно природен одбранбен механизам против гладот. 

М. А. | Црнобело