Подобрете си ја меморијата: Како најлесно да памтите имиња?

Колку пати досега ви се случило да се запознаете со некоја личност и кратко потоа воопшто да не можете да се сетите на името? Ако сакате да ја избегнете оваа непријатна ситуација, потребно е да совладате еден едноставен трик со кој полесно ќе памтите имиња.

Поголемиот дел од нас често ги забораваат имињата на личностите кои штотуку ги запознале, а со нив најчесто може да имате и следен контакт кој веројатно ќе ви биде прилично непријатен,

За среќа, постои едноставна и лесна техника за памтење на имиња.

Матијас Рибинг трипати досега бил светски првак во памтење и е еден од 122-та кои ја имаат титулата „Grand Master of Memory“.

Токму овој голем ум решил да го сподели наједноставниот начин на памтење на имиња. Според него, најважно е да го истренирате вашиот мозок да размислува во слики.

„Кога и пружате рака на личноста со која се запознавате, откако ќе го изговори своето име обидете се да го поврзете името со некоја слика која ве асоцира на тоа име“ – вели тој.

На тој начин кога втор пат ќе ја погледнете личноста, мозокот рефлексно ќе ги поврзе личноста, сликата и името.

Н. Г. | Црнобело