Тажниот дедо кој го расплака цел Твитер конечно ги собра 6-те внуци на едно место

Фотографијата од тажниот дедо кој подготвил вечера за своите 6 внуци, а се појавила само една внука, стана вистински вирален хит. Благодарение на истата, неговите внуци решија да се соберат на едно место.

Кени Хармон направил 12 порции хамбургери за своите 6 внуци, но само Келси Хармон се појавила навреме и ја објавила тажната фотографија на Твитер.

Неколку  часа по нејзиното објавување, фотографијата предизвика бура на Твитер и многу корисници емотивно реагираа.

Сега, тажниот дедо, конечно имал можност да се собере со своите 6 внуци, но не за да јадат хамбургери, туку пилешко и зеленчук во ресторанот „Henryetta“ во Оклахома.

66-годишниот дедо вели дека не бил така тажен како што изгледа на фотографијата.

„Понекогаш така изгледа, ми велат дека не се смеам доволно, но тоа е мојот карактер“ - изјавил Кени.

Неговата внука Келси која студира Биологија му најавила дека има неколку слободни денови и дека ќе си дојде дома.

За таа цел, тој се јавил на неговиот син Рајан и го повикал да ги донесе неговите деца.

Мислел дека сите внуци се поканети и дека ќе доаѓаат, па затоа ги подготвил неговите добро познати бургери.

Тогаш на Твитер се појави фамозната фотографија за која Келси не очекувала дека ќе има толкави реакции.

• 
• 
• 
• 
• 
• 
• 
• 
•  

Н. Г. | Црнобело